Atalar hər bir mövcud vəziyyəti qısaca ifadə edə bilən bir
söz (hikmət) qoyub getmişlər. Onlardan biri də “ucun qoymaq” məsəlidir. Hal
hazırda hay-küy qoparan “Əkrəm Əylisli məsələsi” də bir mühüm iş üçün “uc
qoyma” sayıla bilər. Bu başdan deyim ki, bu, həm də çox gözəl bir “uc qoyma”
olardı.
Atalar, həm də “ho-ho var dağa qaldırar, ho-ho da var dağdan endirər”
deyiblər. Mən Əkrəm Əylislinin bu “ho-ho”sunu dağa qaldıran hesab edirəm. Sağ
olsun. Axı “hər bir müharibə bir sülh ilə qurtarır”. Əkrəm müəllimə qarşı olmaq
isə, iki xalq arasında sülhün yaranması üçün belə şeylərin vacib olmasını bilməməkdən
irəli gəlir.
İnsan psixologiyasının təbii (inistinkt) xüsusiyyətlərindən
biri də, onun dəyişiklik (islahatlar) xoşlamasıdır. Təbii, ictimai dəyişiliklər
olmayanda insan özünü rahat hiss etmir. Bu hal, ən çox, fəal, ağıllı adamlarda
və hələ də, təbii inistinktin əsiri olan uşaqlarda özünü biruzə verir. Məsələn,
uşağın ən çox sevdiyi oyuncaq beş-on gündən sonra gözündən düşür. Əgər əvvəlkindən
daha pis olan yenisini alarsansa, onu daha çox sevər. İnsandan başqa bütün
canlılar və insanın da ağılsızları ancaq təbii inistinktlə (hisslərlə), ağıllı
insanlar isə təbii inistinkt (hisslər) və ağılın vəhdəti (tənzimləməsi) ilə
idarə olunurlar.
Əsrlər boyu, demək olar ki, əsasən bir yerdə yaşamış Azərbaycan
və Erməni xalqları arasında dostluqlar (təbii inteqrasiya-qaynayıb qarışmaq,
qohum olmaq və s.) da, düşmənçiliklər də olmuşdur. Ağılla yox, ancaq inistinktlə
idarə olunan adamlar dostluqdan bezəndə düşmənçilik, düşmənçilikdən bezəndə isə
dosrluq, ağıllı insanlar isə həmişə ancaq dostluq arzulayarlar. Mənə elə gəlir
ki, indiki anda ağıllıların da, inistinktlə idarə olunanların da istəkləri
üst-üstə düşməkdədir. Yəni Əkrəm müəllimin cəhtləri vaxtındadır. Əks fikirlilərin
də yanılmaması xalqların ancaq xeyrinə olardı.
Комментариев нет:
Отправить комментарий