Cəmiyyətdə kimi dindirirsən dili “niyə
biz bu gündəyik” gileyi ilə doludur.
Dünyada heç nə, heç vəziyyət səbəbsiz
olmur. Görəsən bizdə olan bu vəziyyətin səbəbi nədir?
İnsanın ikinci (ruhi-mənəvi) yaranışı,
körpəlikdə ailədən başlayaraq, boya-başa çatdığı cəmiyyətdə baş verir. O cəmiyyətdə
ruhi-mənəvi nə varsa ancaq onlar ona hopur. Həm də hamının çox əhəmiyyət
verdiyi nümunələr daha çox hopur. Əsarətdə olan cəmiyyətlərdə nümunəni onun eybəcərliklərindən
yaradırlar.
Məlumdur ki, dünya yaxşı və pis, gözəllik və
eybəcərliklərlə doludur. Onların varlığı və vəhdəti elə dünyanı mövcud etmişdir.
Demək istəyirəm ki, eybəcərliksiz (zibilsiz) cəmiyyət yixdur. Ağıllı, abırlı cəmiyyətlərdə
o zibillər (qoxusu çıxmasın deyə) “kip qapaqlı qablar”da gizlədilir. Ağılsız,
abırsız cəmiyyətlərdə isə hara gəldi səpilir. Elə o “səpilmələr” də bu xalqı
heç kimin, heç özünün də, gözündə olmayan vəziyyətə salmışdır. Bu proses indi (“müstəqillik”
dövründə) daha qabarıq baş verir. Bütün televiziyalarımız, mətbuatın əksəriyyəti,
nümunə kimi, xalqın dəyərlərini, gözəlliklərini, abırını yox, onun eybəcərliklərini,
zibilliklərini açıb araya tökürlər ki, hətta özümüz də qoxusundan burnumuzu tutmalı
oluruq.
Bu vəziyyət, həm də, öz-özünə deyil əsarət
“texnoloqları” tərəfindən yaradılır. Ruspərəst,
əsarətpərəst diktatura rejimi buna xüsusi rəvac verir. Fikir veriləndə aydın
görünür ki, televiziyalarımızda təkcə İtv-də rus dilində xəbərlərin aparıcısı cəmiyyət
qarşısına “abırlı” çıxarılır. Bu, o istəkdəndir ki, hətta rusca danışan da “abırlı”
olmalıdir.
Deyirlər, “qeyrəti itə atsan, yeməz”. Görünür
o, ancaq yeməli olmadığı üçün yadımızdan çoxdan çıxmışdır.
Комментариев нет:
Отправить комментарий