Şairliyin
insanlara başqa xeyri olmasa da (yoxsa onu da bizə verməzdilər), fikri yığcam və
dolğun ifadə etməyə gözəl bir vasitədir.
Şairliyin bir xəstəlik olmasına əmin
idim. Lakin insanları o həqiqətə inandırmaq üçün onun
adını tapmağa çox çalışdım. Uzun düşünmələrdən sonra, görünür nəhayət ki, tapmışam
(onu da adamlar təsdiq edərsə).
İnsanda intelekt (zəka) potesialı tuğyan edərkən
onu “boşaltmasa” çox narahat olub “partlamağa” qalır. Bunu iki misalla çox
aydın başa düşmək olur:
1.
Buynuzu olmuş Zülgərney
padşahın dəlləyi haqqında rəvayət və
2.
Rusiya istehsalı olan ZİL
yük maşınının yol gedərkən fasilələrlə səsli hava buraxması ilə.
1.Zilgərney
padşahın buynuzu varmış. Bunu sirr kimi qoruyurmuş. Bu sirri ancaq dəlləyi bilirmiş.
Bu sirri faş etdiyi halda onun boynunu vurduracağını demişdi. Bu “yük” ağırlıq
etdiyindən, dəllək hər dəfə Zülgərneyin başını qırxıb evinə qayıdarkən çöldə
yol qırağında köhnə su quyusuna əyilib “Zülgərney padşahın buynuzu var,
buynuzu” deyərək, “yükünü” boşaldırmış. Sonralar bir çoban bu quyunun üstündə
bitmiş qamışdan tütək düzəldir. Tütəyi çaldıqda ondan “Zülgərney padşahın
buynuzu var, buynuzu” səsi çıxır...
2. Rusiya
istehsalı olan ZİL yük maşınının mühərriki işləyərkən əyləc üçün ehtiyat hava
balonuna sıxılmış hava vurur. Müəyyən həddə qədər sıxılmış havadan istifadə
edilmədikdə artıq hava avtomatik olaraq balondan buraxılır. (Bu havaburaxma səsli
olduğundan uşaqlar ona “ZİL osturdu” deyirlər.) Belə olmasa maşının ehtiyat
hava balonu partlayar.
Məncə
şairliyin necə xəstəlik olmasını bilmək üçün bu kifayətdir.
İnsana intelekt-zəka potensialını ifadə etməyə
başqa imkanlar tanınmadıqda o, dərdini ifadə etmək (boşaltmaq) üçün mütləq bir
vasitə tapacaqdır. Bizə tanınmış bu
vasitə ancaq şairlikdən ibarətdir. Bununla, həm də, Azərbaycanda şairliyin
tuğyan etməsinin əsl səbəbi açılır.
ELƏMİ?...
Комментариев нет:
Отправить комментарий