Çoxları Azərbaycanda “türk-türk”, “boz qurd” və s. deyə
bağırmaqla millətçiliyin tuğyan etməsini qınaq edir. Qloballaşmaya üz qoymuş
dünyada millətçilik sivil insanlarda ikrah hissi doğurmaya bilmir. Lakin tarixə
diqqət etdikdə görünür ki, insanlar qlobal humanizmə milli haqlarina yetdikdən
sonra qədəm qoya bilirlər.
Xalq, əsasən, onda millətçiyə çevrilir ki, onun
özünün, dilinin, dövlətinin adı, insanların adları, soyad sonluqları zorən özgələşdirilmiş
olsun. Əsrlərlə davam etmiş əsarətlər Azərbaycan türkçülüyünü məhz bu vəziyyətə
salmışdır. Düzdür, Azərbaycan adlanan məmləkətdə təkcə Azərbaycan türkləri yox,
digər etniklər də yaşayır. Dünyada,əsasən, dövlətlərin adı da, dövlət dili də həmin
dövlətin tərkibində olan ən çoxsaylı millətin adıyla adlanır. Azərbaycanda, (əksəriyyəti,
80%-dən çoxu Azərbaycan türkü olduğu halda) isə bu dünyavi qayda pozularaq,
guya, etniklərin hamısına xoş olsun deyə, bir ümumi Azərbaycan adı götürülmüşdür.
Çoxsaylı bir millətin onunla, təbii olaraq, birlikdə yaşayan etniklərlə münasibəti-yola
getməsi heç də dövlətin və ya onun dilinin adlanmasından asılı deyil. Bunu bəhanə
edənlər, əslində başqa, Azərbaycan türkçülüyünü yox etmək məqsədi qoyublar. Belə
olan halda Azərbaycan türkü necə “türk-türk” bağıraraq “millətçi” olmasın?
Çoxbilmişlər əvvəlcə xalqın ilkin milli haqlarını tapdalayaraq, onu millətçi
olmağa sövq edir, sonra da “millətçi”liklə damğalayırlar. Hər bir xalqın, eləcə
də Azərbaycan türkünün, ilkin milli haqlarına yetməyincə, “millətçi” olaraq
qalması tamamilə təbiidir. Azərbaycanın “özüm türk”lüyü əlindən alındığı üçün
“sözüm türk”lüyü şiddət etmişdir. Buna görə Azərbaycan türklərini qınaq edənlər
haqlı deyillər.
Комментариев нет:
Отправить комментарий