İnsanın öz əlindən
bir iş gəlməyəndə özgənin yaratdıqlarına heyran olub, həsəd aparır. Əksinə, özgədən
əvvəl özü nəyə isə nail olduqda fəxr edib, gurur duyur. Fəxr, gurur ruh yüksəldir.
Yüksək ruh isə insanı yeni nailiyyətlərə yetirir. Belə mənəvi vəziyyət
olmayan cəmiyyətlərdə dirçəliş, tərəqqi
də olmur. İnsan fəxrlə yaşayır. Özündə fəxr etməli bir şey olmayanda, özünü həsəd
apardığı özgəyə oxşatmaqla təskinlik tapır. Beləliklə, özgələşməyə meyl
fomalaşmağa başlayır.
Sovetlərin
vaxtında, cəmiyyət üçün ən təsirli vasitə olan radio və televiziyada yaxşı nə
var idisə Moskvadan verilirdi. Uşaqlara həsr olunmuş proqramlar, multfilmlər
xüsusi heyranlıqla izlənirdi. Milli radio və televiziyalarda isə uşaqlara həsr
edilmiş proqram və multfilmlər Nəinki uşaqların, böyüklərin də zəhləsini aparan
vəziyyətdə olurdu. Uşaqlar üçün, əsasən, ya “Ələddinin sehrli çubuğu”, ya da
“ovçu Pirim”in yalanları verilişləri, bir də “tıq-tıq xanım” və “cırtdan”
multfilmləri verilirdi. Eyni vaxtda Moskvadan, uşaqları texnika, mənəvi dəyərlər
elementlərilə tanış edən məna zənginliyinə malik multfilm və proqramlar
verilirdi. “Ələddinin sehrli çubuğu” ilə uşaqlara hadisənin mahiyyətinə
varmadan onu qəbul etmək, “ovçu Pirim”lə yalana inam, “tıq-tıq xanım” və
“cırtan”la isə ancaq primitiv duyğular sırınır, təlqin edilirdi. Uşaqlar təkrar-təkrar
verilən eyni şeylərdən bezib, Moskva “zənginlikləri”nə həvəs göstərir, eyni
zamanda, rus dilini öyrənir, ana dilinə həqarət yaranırdı. Budur özgələşmə
meylinin cəmiyyətin mayasına sırınması.
At çapıb,
qılınc oynatmağıyla öyünməyinə, böyük
bir coğrafi məkanda yer tutduğuna baxmayaraq, türk xalqları tarixən bir çox
mühüm işlərdə özünü çox geridə qoymuşdur. Din, əlifba, mədəniyyət, dövlətçilik ənənələrinin
yaradılması bəşəri tərəqqinin mərhələləridir. İndiki mərhələdə artıq əhəmiyyətini
itirsə də, o vaxtlar dinə yetmək də xalqlar üçün fəxr, gurur yeri olmuşdur.
Musa, İsa və başqa peyğəmbərlər özlərinə allah, din yaradanda, boyük ərəb
xalqının Məhəmməd adlı oğlu da səmavi din baxımından geridə qalmamaq üçün
islamı yaratmışdır. Türklərdən onlarla dəfə az olan “ayıq” farslar da, yaranmış
fürsəti əldən verməyərək, şiəlik təriqətini özləri üçün dinə çevirmişdir.
Dünyada ayıq xalqlar, azsayl yaxud çoxsaylı olmalarına baxmayaraq, özlərinə əlifba
yaratmaq qaygısına qalıblar. Mədəniyyətin, dövlətçiliyin əsası əlifba-yazı ilə
qoyulur. Bütün bunlar xalqların bəşəri tərəqqi ilə ayaqlaşmasıdır. Bu
ayaqlaşmada, bu yarışda iştirak etməyən hər hası xalq, bunlar üçün özgəyə əl
açmağa məhkumdur. Özgəyə əl açmaq elə onu bəyənmək, ona heyran olmaq, ona həsəd
aparmaqdır. Bu da özgələşməyə meylin səbəblərindən biridir.
Çox
olmaqlarına baxmayaraq, türk xalqları, tarixən, başları at çapıb, qılınc
oynatmağa qarışaraq, din, əlifba, mədəniyyət, dövlətçilik ənənəsi yaratmaq
qayğısına qalmayıblar. Ondandır ki, təkcə Osmanlı türkündən başqa, bütün türk
xalqları, hələ də, özgələrin qanadı altındadır. Yiyəsizlikdən, əlifbasızlıqdan,
özgə dinlərinin onun “belini bükməsindən” pis günə qalmışdır. Soyadını belə
bilməyən türkə “ruskiy İvan” soyad yazmışdır. Birləşib dünyavi proseslərlə
ayaqlaşmayan xalqların aqibəti bundan artıq ola blməz. Balaca gürcü, erməni,
fars və b. xalqlar çoxdan özlərinə əlifba, ad-soyad yaratdıqları halda, əksər
türk xalqları, hələ də, ona möhtacdır. Ancaq “boz qurd”am deyib, özünü öyməklə
məşğuluq. Xalqlar var, “mələk donuna” girərək, min cür dəhşətlər, vəhşiliklər
törədir, adını isə “məzlum dovşan” qoyur. Bizlər isə məzlum-özgə qoltuğunda
olduğumuz halda özümüzü “boz qurd” adlandırırıq.
Lənətlənmiş
canavar
Yırtıcılığın danır.
Zərif
dovşansa, yəqin,
Özünü “boz
qurd” sanır.
Bəli, tarix
türkü özündən çıxarıb. Özünə qayıt, Türk!. Özünə qayıt ki, sıfırdan başlayasan.
(Məni qınamayın. “Həqiqəti deyəndə allah adama qənim olmaz”.) Yeni din-Türk
Tanrısı yaratmaq gecdir artıq. Çünki sivlizasiyanın din mərhələsi ötmüş, artıq tarixin
arxivinə verilməkdədir. Ümumi türk əlifbasını, türk birliyini, ortaq tyrk
dilini isə həmişə yaratmaq olar.
Комментариев нет:
Отправить комментарий