Yəqindir
ki, “orta statistik” azərbaycanlı gündəlik dilə gətirdiyi və qulaqlarına dolan
sözlərin çoxunun əsl mənasını bimir. 40 illik
müəllimlik təcrübəmdən o da yəqindir ki, dilə gətirilən hər hansı cümlədə bir və
ya bir neçə sözün əsl mənası dinləyiciyə məlum deyilsə, həmin cümlənin ifadə
etdiyi fikir də ona aydın olmur. O leksikon aydın ifadə vasitəsi olur ki, o, ədəbi
leksikonluqdan məişət leksikonuna çevrilsin.
Təhsil-bilik,
bacarıq və vərdişlərin insana aşılanmasından ibarətdır. Cəmiyyətdəki məişət
leksikonu ilə, əsasən, məqsəd qoyulmamış təhsil həyata keçir. O təhsil, həm də
mükəmməl və dayanıqlıdır. Dünyaya yeni göz açmış uşaq məişət leksikonu ilə iki
yaşından beş yaşına qədər xeyli sözdən ibarət, heç vaxt unutmayacağı bir ana
dili öyrənir. O cəmiyyətlərə sivil cəmiyyət deyirlər ki, ədəbi-mətbu leksikon məişət
leksikonuna çevrilmişdir. Yəni təhsilin əsas hissəsini məişət leksikonu həyata
keçirir. Bunun da əsasını mütaliə, KİV vasitələrini dinləmələr təşkil edir.
Bizdə mütaliə sıfır səviyyəsində, KİV-lər bərbad halda olduğu üçün ədəbi
leksikon məişət leksikonuna keçə bilmir. Ona görə də cəmiyyətimiz mentalitetcə
sivillikdən uzaqdır.
Mentalitet-
cəmiyyətdə mövcud olan adət-ənənələrin, normaların insanda yaratdığı psixoloji
durumdur. Cəmiyyətdə mentalitet həm təbii avtomatizmilə yranır, həm də məqsədli-süni
yaradılır. Məqsədli yaradılan mentalitet cəmiyyətin azad, müstəqil və ya əsarətdə
olması ilə bağlıdır. Azad, müstəqil xalqın məqsəli yaratdığı mentalitet xalqın
öz tərəfindən də, özgə tərəfindən də bəyənilən olur. Biz, bizi daim incidən
“biz niyə beləyik” sualının əzabını ona görə çəkirik ki, o məqsədli
mentalitetimizi özgə (əsarət despotu) yaratmışdır. Xalqa, bütün bəşəri dəyərlər
bir kənara qoymaqla ancaq “qurşaqdan aşğı mentalitet sırınmışdır. Hansı ki, nəticəsində
ən dəşətli (baş kəsməyə qədər) fəsadlar törədir.
Bir məsəl: ailə sədaqətini pozan tərəfi “sağ
ol –sağ ol” ilə özündən uzaqlaşdırmaq (sivil cəmiyyətlərdə olduğu kimi) əvəzinə
baltalayıb başını kəsmək, özünün də onun da, günahsız övladların da həyatını məhv
etməkmi yaxşıdır?
Nə
qədər ki, əsarətlərin uzun tarixi dövr ərzində xalqımıza sırıdığı bu məqsədli mundar
“qurşaqdan aşağı” mentalitet, sivil dünyanın ədəbi leksikonunun məişət
leksikonumuza çevrilməsi sayəsində aradan götürülməsə, xalqımız həmişə bunun fəsadlarını
görəcək, xəcalətini çəkəcəkdir.
Комментариев нет:
Отправить комментарий