Hər bir cəmiyyətdə müəyyən normalar
mövcuddur. Ona adət-ənənə (mentalitet) də deyirlər. Norma-çərçivə, məhdudiyyətdir.
Ondan kənara çıxmaq nöqsan, pozuntu sayılır.Həm ümumbəşəri, həm də ayrı-ayrı cəmiyyətlərə
xas olan fərqli normalar vardır. Ümumbəşəri normalar toxunulmaz olub, bütün
insanlar tərəfindən sözsüz qəbul olunur. Məsələn, kişinin anaya, bacıya olan
cinsi münasibəti, bütün cəmiyyətlərdə eyni olub, dəyişilməzdir. Lakin müxtəlif
cəmiyyətlərə xas olan elə normalar vardır ki, onlara həm həmin cəmiyyətdə, həm
də bütün dünyada münasibət eyni deyil. Müxtəlif dinlərin yaratdığı müxtəlif
normalar ona misal ola bilər.
Əgər dünyanı allah yaratmışdırsa, insandan
başqa, bütün canlılara, onu yaşadan vasitələri hazır vermişdir. Onlar üçün hər
şey ağızlarının, (xortumlarının) yetdiyi yerdədir. İnsana isə, həm də şüur
verdiyi üçün, onu yaşadan vasitələri hazır yox, onun toxumunu və ya xammal şəklində
vermişdir. Yəni, “buyur, ağlını işlət, yaxşı yaşa”. Məsələn, allahın yaratdığı
buğda toxumunu ək-becər çörək əldə et, təbii sərvətləri tap, öyrən, əldə et,
rifahın üçün istifadə elə və s.
İnsan, deyərdim ki, iki dəfə yaranır.
Birinci, təbii olaraq, həm də şüur
toxumu ilə birgə, ikinci, şüur toxumunu
işlətməklə (“əkib-becərməklə”) ictimai olaraq yaranır. Şüurun “əkilib-becərilməsi”ndə
insanın böyüyüb başa çatdığı cəmiyyətdəki normalar əsas rol oynayır. Cəmiyyət
müstəqil, azaddırsa, norma tərəqqiyə stimul üzərində, yox, əgər cəmiyyət əsarətdədirsə,
o, əsarətin xeyrinə formalaşdırılır. Əsarətdə olan xalqlarda, istər dini, istərsə
də digər normalara qarşı istənilən etiraz qamçılanır. Uzunmüddətli əsarətin cəmiyyətimizdə
formalaşdırdığı dini normalara qarşı, haqlı olaraq baş qaldırmış etirazları,
çoxbilmişlər, allaha qarşı olduğunu iddia edərək, dindar kütlənin gözündən
salmaq istəyirlər. Əslində isə belə deyil. Bu etirazlar islamın xalqımızın zərərinə
yaratdığı normalara qarşıdır.
Hər hansı vəziyyətin cəmiyyətdə normaya
çevrilməsi (yaxşı, ya pis) onu kütlənin gözündə danılmaz edir. O “fürsət”dən
istifadə edərək, vecsiz normalara etiraz edən istənilən düşünən insanı, söyüşə çevirdikləri “allahsız”, “kafır” kimi
sözlərlə, asanlıqla, kütlənin gözyndən salmağa çalışırlar. Bu “fürsət”i verməmək
üçün allaha ehtiyatla yanaşmaq, dini cəhaləti qamçılamaq gərəkdir...
Комментариев нет:
Отправить комментарий